ரயில் விபத்துகளால் 180 பேர் பலி; செல்பியால் பலி 24

ரயில் விபத்துகளால் 180 பேர் பலி; செல்பியால் பலி 24

இந்த வருடத்தின் கடந்த 10 மாதங்களில் ரயில் விபத்துக்களால், 180 பேர் வரையில் உயிரிழந்துள்ளதாக, ரயில்வே திணைக்களம் தெரிவித்துள்ளதுடன், ரயில் விபத்துகளின் எண்ணிக்கை வருடந்தோறும் அதிகரித்து வருவதாக கூறப்படுகின்றது.

அத்துடன், குறித்த காலப் பகுதியில் ரயில் குறுக்கு வீதிகளில், வாகனங்களுடன் ரயில் மோதிய சம்பவங்கள் 84 இடம்பெற்றுள்ளதோடு, ரயிலில் இருந்து பயணிகள் தவறி வீழந்த சம்பவங்கள் 76 பதிவாகியுள்ளன.

மேலும், ரயில் வீதிகள் அல்லது ரயில் வீதிக்கு குறுக்காக பயணித்தமையால் ஏற்பட்ட விபத்துக்கள் 436 இடம்பெற்றுள்ளதாக, ரயில்வே திணைக்களம் கூறியுள்ளது.

இதேவேளை, வாகனங்கள் ரயில் குறுக்கு வீதிகளிலுள்ள வாயில்களில் மோதியமையால் ஏற்பட்ட பாதிப்பு சம்பவங்கள் 506 பதிவாகியுள்ளதாக அந்தத் திணைக்களம் கூறியுள்ளது.

அத்துடன், கடந்த 10 மாதங்களில் செல்பி எடுக்கும் முயற்சிகளால் ரயில் விபத்துக்களில் சிக்கி பலியான இளைஞர்களின் எண்ணிக்கை 24 எனவும் கூறப்பட்டுள்ளது.

Calendar

« December 2017 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
Go to top