ஊடகவியலாளர் கடத்தல் முயற்சி; மயிரிழையில் தப்பினார்

ஊடகவியலாளர் கடத்தல் முயற்சி; மயிரிழையில் தப்பினார்

பாகிஸ்தான் தலைநகர் இஸ்லாமாபாத்தில் அமைந்துள்ள வியொன் (WION) செய்தி நிறுவனத்தின் தலைமை பத்திரிக்கையாளர் டாஹா சித்திக்கியை கடத்தும் முயற்சி முறியடிக்கப்பட்டுள்ளது.

விமான நிலையத்திற்கு, டாஹா காரில் சென்று கொண்டிருந்த நேரத்தில் இச்சம்பவம் இடம்பெற்றுள்ளது.

நாட்டின் சக்தி வாய்ந்த இராணுவத்தை விமர்சிப்பதற்காக அறியப்படுபவர் டாஹா. சில மாதங்களுக்கு முன்பு பாதுகாப்பு அமைப்புகளால் அச்சுறுத்தல் அளிக்கப்படுவதாக டாஹா முறைப்பாடு செய்திருந்தார். இது தொடர்பாக நீதிமன்றத்திலும் அவர் வழக்குத் தாக்கல் செய்துள்ளார்.

ஆயுதமேந்திய சுமார் 10 தொடக்கம் 12 பேர் தன்னை கடந்த முயற்சி செய்ததாக, டாஹா தனது ட்விட்டரில் தெரிவித்துள்ளார்.

தனது நண்பரின் ட்விட்டர் கணக்கிலிருந்து ட்வீட் செய்த அவர், "நான் அவர்களிடம் இருந்து தப்பி, பொலிஸாரிடம் பாதுகாப்பாக உள்ளேன்" எனக் கூறியுள்ளார்.

துப்பாக்கி ஏந்திய சில பேரால் தாம் காரிலிருந்து வெளியேற்றப்பட்டதாகவும், அவர்கள் தன்னை தாக்கி கொலை மிரட்டல் விடுத்ததாகவும் டாஹா கூறினார்.

Latest News

Calendar

« January 2018 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        
Go to top